網紅的藏寶箱尋晚去咗北角漁舍度食飯，我初頭唔知乜頭乜路，去到先知原來係酸菜魚專家，仲有水煮魚食，正呀，呢啲嘢我通常喺大陸食，但係而家冇得出外旅遊，真係好耐冇食喇！
先來前菜，全部都好好食，特別鍾意佢嘅鴨舌同埋麻醬雞，前者香辣，後者惹味，死雞腳趾更加係賣飛佛，非常開胃。然後係椰汁乳鴿，椰香飄飄，味道誘人。
跟住就上酸菜魚，魚肉滑嫩，但係最正嘅係湯入面嘅粉皮，真係入晒味。另外仲有好多大豆芽同百頁，食得人好開胃。其實呢間漁舍隔離有間姊妹店係賣牛嘅，貪得意問佢可唔可以攞碟豬肉嚟烚吓烚吓，又得喎。
碟豬肉切到好薄，當係涮羊肉咁樣滾兩滾就食得，肉味香甜，加上酸菜魚嘅湯，美味非常。
之後仲有雞煲，又係另一種嘅辣。
真係飽到攬住個肚。唔係我埋單，所以唔知幾錢。你得閒去試吓啦，我推薦。
#何嘉麗callmegaga #何嘉麗 #為食路上
#漁舍 #死雞腳趾 #鴨舌 #麻將雞
#酸菜魚 #椰香乳鴿 #雞煲 #酸菜魚專家
#辣又得唔辣又得得咗
#北角滙 #個停車場入口好刁鑽
#明明個商場喺隔離就係點都兜唔到入去
Search